البوست ده مش ليك ✋✋
البوست ده مش هيفيدك الا لو لسة بتبدأ #Facebook_ADS وبتقول بسم الله
البوست اساسيات مش استراتيجيات ينفع لواحد 0 خبره مش اكتر ✋✋
الناس اللي مستنين البوست تكملة سلسلة المليون 🤑 هينزل بكرا باذن الله
نبدأ بسم الله 👇👇
كلنا عارفين قوة ال Social media وخاصة اعلانات FACEBOOK الممولة 🙂
في جلب الزوار او ال TRAFFIC انهارده باذن الله هنتعلم مع بعض ازاي نعمل اعلان على الفيس بوك
لكن خلينا فالاول نعرف ايه المطلوب علشان نعمل اعلان على الفيس بوك :
1 – لازم يكون عندك صفحة Page
2- لازم يكون عندك حساب اعلاني Ads Account
3- لازم يكون عندك هدف محدد من الاعلان
فالاول اي حملة اعلانية بيكون ليها تقسيم هتلاقيه فالشكل اللي تحت 🙂
صورة 1
اول خطوه هتدخل على FACEBOOK ADS MANAGER
بعدها هتلاقي صورة 2 😀
هتختار منها الهدف من الاعلان بتاعك من الاهداف اللي تحت زي اللي في الصورة 2
وتكتب اسم الحملة الاعلانية 🙂
مثلا بتختار تفاعل او ENGAGEMENT
وبتشوف تحت انت عايز ايه مثلا تفاعل على بوست معين او منشور معين
ولا انت محتاج زيادة في عدد المتابعين على صفحتك
ولا انت محتاج تكبر عدد المتفاعلين على ايفنت مثلا !! 😀
على حسب شغلك محتاج ايه 😉
وما تنساش تكتب اسم الحملة الاعلانية 😀 صورة 3
بعد ما بتضغط استمرار او CONTINUE بيدخلك على الصفحة دي وهي
المجموعة الاعلانية ( ADSET ) بتاعتك ودي ممكن تكون واحده او اكتر علشان لو شغلك في اكتر من قسم
فالاول فوق خالص بتكتب اسم المجموعه الاعلانية بتاعتك 😀
هتنزل تحت وتسيب كل حاجة زي ما هي 😀 😀
لحد ما توصل الى الاماكن او LOCATION وتحدد البلد اللي انت عايز اعلانك يظهر فيها 😉 صورة 4
تحتها هتلاقي ال AGE او العمر وال GENDER او النوع
هتختار السن المناسب اللي حضرتك عايز/ه تستهدفه او اعلانك يظهر له
وتختار النوع وبتشوف انت عايز نساء فقط او رجال فقط او الاثنين 😀
بردو على حسب نوع الشغل بتاع حضرتك او الهدف بتاع حضرتك 😀
هتلاقي تحتها اهم نقطه وهي الاستهداف او ال TARGETING ودي اهم نقطه ركز بقا هنا صورة 5
هنا بتحط كل الاهتمامات اللي بتتعلق بشغلك اللي الجمهور المستهدف متعلق بيها
مثال حضرتك بتبيع عربيات يبقا هتحط الناس المهتمة بالعربيات وهكذا وهنا لازم تفهم شغلك كويس اوي علشان تقدر تحدد
الجمهور المستهدف واهتماماته كويس اوي 😀
هتلاقي تحت ال PLACEMENT او الاماكن ودي معاناها انك عايز اعلانك يظهر فين !
وهتلاقي هنا اختيارين اما تلقائي او اختياري او تعديل الاماكن وانا بنصحك بالتانية زي في صورة 6
لان الاولى بتفرض عليك ان اعلانك يظهر على ال DESKTOP ودي مش حلوة في بعض المجالات لان مش كل
الناس بتقعد على الكمبيوتر دلوقتي مش زي الاول ومعظم الناس بتكون فاتحة FACEBOOK من تليفوناتها اكتر
لما تعمل EDIT PLACEMENTS او تعديل الاماكن هيفتح لك شكل صورةة 7
وهنا هو انت عايز اعلانك يظهر فين ؟؟
ويظهر فين هنا معناها انك عايزه على انستجرام ولا فيس بوك ولا فين بالظبط عايزه على الTIMELINE ولا فال STORIES ولا فين بالظبط
وبتعمل علامة عالمكان اللي حضرتك عايز الاعلان يظهر فيه وبردو هفكرك على حسب الهدف بتاعك وحسب شغلك انت 😀
بتنزل تحت بتلاقي الفوترة او الدفع مش عارف بالعربي حقيقة هههههههه ال BUDGET والجدولة
وهنا بتحط انت عايز تدفع كام في اليوم وهو مش هيصرف اكتر منه يعني لو 50 جنيه يبقا هيصرف كل يوم 50 جنيه زي صورة 8
او انك بتخليها محددة الوقت او LIFETIME وهنا بتحط مثلا الوقت والتاريخ بتقول له انا عايزها تشتغل من يوم كذا ليوم كذا وهدفع فالتوتال 50 جنيه اجمالي وهنا هو بيقسم ال50 جنيه دي على الايام مثلا
انا هشغل اعلاني يومين ب 50 ج يبقا هيصرف انهارده 25 وبكرا 25 جنيه واضحة ؟
طب ايه الجدولة دي ؟ هنا لو انت عايز الاعلان يشتغل على طول حالا او انه يشتغل بعد فتره او يوم معين او هكذا 😀
بعدها هتعمل CONTINUE هتروح على المرحلة الثالثة وهي ال (AD) او الاعلان 😀
ودي اخر مرحلة هنا فالصورة دي هتكتب فوق اسم الاعلان علشان تكون عارفه تحت هتنزل عندك اختيارين اما انك تعمل اعلان جديد خالص من البداية او انك تختار بوست موجود بالفعل على الصفحة بتاعتك تعمل له اعلان 😉
بتنزل على التعريف او IDENTITY بتاعتك وهنا بتختار البيدج او الصفحة بتاعتك اللي عايز تعملها الاعلان
وبتختار اكونت انستجرام لو حابب تعمل اعلانك على انستجرام كمان ومحدده ف ال placements زي صورة 9
وبتكمل لو اختارت الاوبشن الاول وهو انك تعمل اعلان من البداية هتلاقي الشكل اللي قدامك ده هنا هتختار انت عايز صورة ونص ولا شكل الاعلان عايزه ازاي 😀
لو اختارت انك تختار بوست موجود بالفعل على البيدج عندك
فهتختار من فوق خالص EXISTING POST وهيفتح لك الشكل زي صورة 9
هتختار البيدج بتاعتك واكونت انستجرام زي ما اتفقنا 😉 وبعدها تنزل تختار البوست زي صورة 10
بعدها بتنزل بتختار البوست اللي عايز تعمل له الاعلان زي ما في الصورة كده 😀
وبتنزل تحت خالص بتعمل تاكيد او CONFIRM وبكده انت خلصت اول اعلاناتك 😀
لو انت مستواك اكبر تقدر تشوف البوست ده
https://m.facebook.com/story.php?story_fbid=2312991118728862&id=100000539881180
وبعدها البوست ده
https://m.facebook.com/story.php?story_fbid=2314084641952843&id=100000539881180
البوست ده الوحيد اللي هقولك اعمل له شير لانه بداية وفي ناس بتدفع فلوس علشان تاخد الكلام ده واهو موجود ❤️
#تصبحو_على_خير
#ساعد_تتساعد
