الجزء الاول : ازاي تخاطب جمهورك المثالي و تخليه يشتري
=========================
هوريك ازاي تكتب اعلان يساعدك تبيع كل حاجة بتعلن عنها
على سبيل المثال انك بتبيع خواتم او مشغولات فضية :
( عندنا خواتم بجودة عالية وحزنا على ثقة عملائنا اللي اشتروا مننا قبل كدا دا غير اننا واخدين تقييم ع الصفحة 4.9 )
غلطة كبيرة جدا ان الاعلان بتاعك يكون كله بيتكلم عنك ( انا و انا و انا و انا ) لا نهائي لان العميل مش مهم اوي بالنسبة له انت مين على قد ما هيكون بالنسبة له هو هيستفيد ايه و انت عندك ايه مهم ليه ..
و خلي بالك و انت بتكتب لازم تركز على ال Bain audience سواء رجال او سيدات
ركز معايا في الجملة اللي جاية دي كويس اوي
Sell to humans and then understand the human that you're talking to
لان عقلية الشخص اللي هيشتري بتختلف من الشاب للبنت ... و افضل طريقة لكتابة اعلان فعلا ناجح هي كانك بتحكيله حكاية او بعمل معاه محادثة .. تعالى هنفترض مثلا انك هتبيع خاتم حريمي لشاب خاطب هيشتري الخاتم دا هدية لخطيبته :
عارف ايه ممكن يضايقك ؟!
و انت بتدور على هدية مناسبة لخطيبتك و ما فيش حاجة لسة عاجباك .. بس عارف ايه اللي يضايق اكتر؟! اما خطيبتك تتنشن و تزعل معاك على اتفه الاسباب و تتعصب و تقولك الجملة المشهورة ( اصل الاهتمام ما بيطلبش)
و تيجي تكلمها ما تردش عليك او تعملك من الحبة قبة .. بس عارف ايه اجمل احساس في الدنيا !
هو السلام و الهدوء
و افضل طريقة تحقق بيها دا هي انك تشتريلها خاتم هدية ........
===============
قطعة المحتوى اللي فاتت فيها كلام واقعي و بتكلم كانى بحاور الشخص اللي هيشتري ؤدامي و فعلا بتكلم مع الفئة المستهدفة على مشكلة فعلا بيواجهوها
مثال تاني :
تعبت من كتر الخناقات مع خطيبتك او مراتك و عايز تصالحها بس مش عارف تجيبلها هدية ايه؟!
هنسهلها عليك .. طب ازاي ؟
كل اللي عليك انك تبعتلنا رسالة على الصفحة ( او ايا كان الوسيلة اللي عايزه يتواصل معاك بيها )
و هنبعتلك تشكيلة هدايا اختارناها لك بعناية و اختار منها اللي يناسبك و اكيد هيعجبها
=============
محتوى سهل و بسيط و خليت القارئ يدخل معايا في المود و كل اللي عليك انك هتبعته بقا على
lead form أ و sales Funnel
و تكمل معاه باقي ال Process انكك هتتصل بيه و تاكد معاه الاورد ..... الخ
End of Text ;)
و كالعادة بحب ادي هدية لكل اللي بيقرو المقالة للاخر .. لوانت فريلانسر او شغلك كله من البيت حتى لو انت Business owner🤩 🤩
عندي ليك هدية قيمة و هي كتاب بيعرفك خطوة بخطوة ازاي تنظم وقتك و شغلك و يحفزك من قرايته انك تكمل وقت ما تحس انك تعبت
كل اللي عليك فقط ابعت رسالة على الصفحة او شوف اللينك دا " للحصول على الهدية " او املى الفورم اللي ؤدامك و الكتاب هيوصلك في دقايق ;)
